Lystarstol / anorexía er einn þekktasti átröskunarsjúkdómurinn sem hefur áhrif bæði á líkamma og sál. Fólk með anorexíu á það til að hreyfa sig mikið en borða nærri ekkert, það eina sem það hugsar um eru hitaeiningar, megrun og þyngd sína.  Þetta getur byrjað sem megrun en farið  úr böndunum og viðkomandi fer að ímynda sér fitu þar sem engin er. Þegar átröskunarsjúklingurinn  lítur í spegil sér hann allt aðra manneskju sem er miklu feitari en í raun og veru. Allir í kringum sjúklinginn segja að hann sé of mjór en hann er sá eini sem sér það ekki, en langar samt að sjá það sem allir aðrir sjá svo hann sveltir sig. Anorexía greinist hjá báðum kynjum en er algengari hjá stelpum.

 

Anorexía byrjar yfirleitt á unglingsárum. Fólk hættir að borða feitan og hitaeiningaríkan mat og líkaminn fer þá að brenna sína eigin fitu fremur en matinn sem það borðar. Orsakir þessa eru andlegar; fólk hefur geðröskun og finnst það vera feitara og þyngra heldur en það er. Henni fylgir andleg vanlíðan (þunglyndi), kvíði, félagsleg einangrun, sjálfsmorðshugleiðingar, lágt sjálfsáliti, einbeitingaskortur svo eitthvað sé nefnt. Ef meðferð við vandanum hefst snemma getur hún verið árangursrík og þá eru meiri líkur á að einstaklingnum batni. Ómeðhöndluð Anorexía getur leitt til hungurs og alvarlegra heilsuvandamála svo sem beinþynningar, nýrnaskemmda og hjartasjúkdóma. Átraskanir geta í verstu tilfellum leitt til dauða.

Flestir með Anorexíu reyna að fela einkenni sín með því að t.d klæðast víðum fötum, en ekki er hægt að fela hárið sem er að þynnast, húðina sem gránar eða síendurtekin yfirlið. Fyrsta skrefið í að ráða við Anorexíu er að viðurkenna að hafa hana, það er stórt skref því þegar einhver viðurkennir að hafa Anorexíu verður hann frjáls til að tala um vandamál sín. Meðferð felur í sér aðstoð lækna eins og  geðlækna og næringarfræðinga.